Ronela Hajati tenton sërish skenën e “Eurovision 2023”
Ronela Hajati duket se dëshiron të prekë sërish skenën e Eurovizionit, por këtë herë jo me flamurin shqiptar. Ronela është një nga 106 finalistët e përzgjedhur në “Una Voce per San Marino”, që përzgje…
Ronela Hajati duket se dëshiron të prekë sërish skenën e Eurovizionit, por këtë herë jo me flamurin shqiptar.
Ronela është një nga 106 finalistët e përzgjedhur në “Una Voce per San Marino”, që përzgjedh përfaqësuesen e mikroshtetit në Eurosong.
San Marino është një mikroshtet në Itali me afro 34,000 banorë dhe si rrjedhojë solli këngëtarë nga vende të tjera të botës për ta përfaqësuar atë.
Përveç kësaj, nuk janë të pakta vendet që janë të hapura ndaj idesë për të marrë pjesë me një këngëtare të huaj, për shembull, në vitin 2009, Besa Kokëdhima mori pjesë në “Selectia Nationala” për të përfaqësuar Rumaninë në Eurovizion.
San Marino ftoi mbi 1000 pjesëmarrës në fazën e parë, nga e cila u përzgjodhën 106 finalistë nga vende të ndryshme, mes të cilëve artistë të njohur si Ronela. Më të famshmit janë Eiffel 65, grupi që krijoi hitin botëror në vitin 1999, “I’m blue (Da Ba Dee)”, i cili u ringjall së fundi në një version tjetër nga David Guetta dhe Bebe Rexha, “I’m good (Blue )”. /KosovaTravel/