Greva ndalon cdo transport të Gjermanisë
Dy sindikatat më të fuqishme në Gjermani, ajo e transportit dhe hekurudhave, EVG kanë rënë dakord të koordinojnë të hënën një grevë paralajmëruese që do të shtrihet në të gjithë Gjermaninë. Autobusët …
Dy sindikatat më të fuqishme në Gjermani, ajo e transportit dhe hekurudhave, EVG kanë rënë dakord të koordinojnë të hënën një grevë paralajmëruese që do të shtrihet në të gjithë Gjermaninë.
Autobusët dhe trenat do të qëndrojnë në vend, avionët nuk do të ngrihen gati në gjithë aeroportet gjermane. Trafiku ajror në Frankfurt, Mynih pezullohet i gjithi.
Edhe shumë aeroporte të tjera si Hamburgu, Laipzigu, Halle, Drezden, Dyseldorf, Kölni, Dortmundi janë në grevë të hënën. Vetëm aeroporti i Berlinit do të jetë në funksion, por edhe aty do të ndjehen pasojat e grevës.
Të dielën për të minimizuar pasojat negative në furnizimin e popullsisë u lejua në shumë lande zbutja e rregullores për ndalimin e qarkullimit të maunave në autostrada.
Ministri federal gjerman i Transportit, Volker Wissing u shpreh për lirimin e rregullores për ndalimin e mauneve në autostrada të dielën. Ai apeloi tek të gjithë pjesëmarrësit të tregohen të përgjegjshëm për të reduktuar sa më shumë pasojat e grevës.
Stafi në aeroporte, porte, hekurudha, autobusë dhe metro u largua pak pas mesnate për një ndalesë 24-orëshe.
Sindikatat po kërkojnë paga më të larta për të ndihmuar anëtarët e tyre të përballen me koston në rritje të jetesës në të gjithë vendin.
Ka pasur shumë largime më të vogla nga sektorë të tjerë të shërbimeve publike, por e hëna do të jetë më e madhja në dekada në vend.
Dy sindikatat e përfshira në grevë janë ndër më të mëdhatë në Gjermani.
Verdi përfaqëson rreth 2.5 milionë punonjës në të gjithë sektorin publik, duke përfshirë transportin publik dhe aeroportet.
EVG përfaqëson rreth 230,000 punonjës në Deutsche Bahn – operatori kombëtar hekurudhor i Gjermanisë, dhe kompani të tjera të autobusëve.
Ata shpresojnë se kjo do të rrisë presionin mbi punëdhënësit përpara një raundi tjetër negociatash për pagat të hënën.
Frank Werneke, shefi i Verdi e përshkroi rritjen e pagave si “një çështje mbijetese për mijëra punonjës, sipas mediave lokale.
“Njerëzit jo vetëm që janë të papaguar mirë, por janë të mbingarkuar pa shpresë,” tha ai.
Verdi dëshiron të sigurojë një rritje pagash prej 10.5% për stafin, ndërsa sindikata tjetër e përfshirë, EVG, kërkon një rritje prej 12%.
Operatori kombëtar hekurudhor i Gjermanisë, Deutsche Bahn, i dënoi planet dhe i përshkroi ato si “plotësisht të tepruara, të pabazuara dhe të panevojshme”.
Në aeroportin e Mynihut të dielën, fluturime të shumta u ndërprenë nga largimi.
Shoqata e aeroporteve të Gjermanisë tha se rreth 380,000 udhëtarë ajror do të prekeshin nga greva, por shtoi se ajo ishte “përtej çdo mase të imagjinueshme dhe të justifikueshme”.
Disa përfaqësues të punëdhënësve paralajmërojnë se sindikatat po bëjnë kërkesa të paarsyeshme të cilat rrezikojnë të largojnë publikun.
Megjithatë, disa sindikata kanë arritur të fitojnë rritje pagash, duke përfshirë punonjësit e postës që fituan një rritje pagash prej 11.5% në fillim të marsit.