Hong Kong po dhuron 500,000 bileta ajrore falas
Hong Kong po dhuron 500,000 bileta ajrore në një përpjekje për të tërhequr turistët në rajon. Biletat do të lëshohen në faza nga data 1 mars dhe do të jenë të disponueshme për evropianët nga muaji maj…
Hong Kong po dhuron 500,000 bileta ajrore në një përpjekje për të tërhequr turistët në rajon.
Biletat do të lëshohen në faza nga data 1 mars dhe do të jenë të disponueshme për evropianët nga muaji maj e tutje.
Qyteti ka hequr kufizimet e tij të rrepta të udhëtimit muajt e fundit, duke përfshirë testimin e detyrueshëm dhe izolimin pas mbërritjes. Tani ka njoftuar se do t’i japë fund mandatit të maskës më 1 mars, i cili ka qenë në fuqi për më shumë se 2.5 vjet apo një nga më të gjatat e çdo vendi.
Maskat nuk do të zbatohen më në transportin publik, brenda apo jashtë, megjithëse mund të kërkohen ende në disa mjedise me rrezik të lartë. Ky ishte kufizimi i fundit i mbetur i qytetit për COVID-19.
Tani Hong Kongu shpreson të rikthehet nga ndikimi masiv që pati pandemia në industrinë e tij të turizmit, ku një pjesë e planit të saj përfshin dhënien e 500,000 biletave ajrore me vlerë më shumë se 250 milionë euro.
Në tetor, drejtori ekzekutiv i Bordit të Turizmit në Hong Kong, Dane Cheng i tha BBC-së se biletat falas fillimisht ishin blerë për të mbështetur linjat ajrore gjatë pandemisë.
Më 1 shkurt, shefi ekzekutiv i Hong Kongut John Lee nisi fushatën prej 2 miliardë dollarësh (1.8 miliardë euro) ‘Përshëndetje Hong Kong’, me dhënien e biletave të fluturimit duke filluar më 1 mars.
Ndryshe, Hong Kongu priti 56 milionë vizitorë në vitin 2019 mbi shtatë herë më shumë se popullsia e tij përpara fillimit të pandemisë. Por kufizimet e tij të rrepta për COVID i kanë mbajtur vizitorët larg gjatë tre viteve të fundit, duke shkatërruar sektorin e turizmit dhe ekonominë e tij./KosovaTravel/