Fluks vizitorësh gjatë shkurtit në kalanë e Gjirokastrës

Vizitat turistike në Kalanë e Gjirokastrës për periudhën 1 shkurt -28 shkurt 2023 kanë ardhur duke u rritur krahasuar me të njëjtën periudhë të një viti më parë.

Drejtoria Rajonale e Trashëgimisë Kulturore, Gjirokastër bën të ditur se, “1,745 vizitorë u regjistruan këtë shkurt ose 895 vizitorë më shumë se gjatë të njëjtës periudhë në vitin 2022”.

Kalaja e Gjirokastrës është një ndër më të mëdhatë në Ballkan dhe mbetet atraksioni kryesor turistik i qytetit. Si një anije e madhe prej guri, ajo shtrihet në një hapësirë prej 335 metra. Kalaja ndodhet në kodër nga ku shihet gjithë qyteti, si për të dëshmuar historinë e gjithë rajonit në shekuj.